Լուսմփոփի՜ պես աղջիկ ՝ Աստվածամոր աչքերով
Լուսմփոփի՜ պես աղջիկ՝ աստվածամոր աչքերով,
Թոքախտավոր, թափանցիկ, մարմինի՜ պես երազի,
Կապու՜յտ աղջիկ, ակաթի ու կաթի պես հոգեթով,
Լուսամփոփի՜ պես աղջիկ․․․
Ես ի՞նչ անեմ, ի՞նչ անեմ, որ չմեռնի իմ հոգին,
Որ չմարի իմ հոգին քո ակաթե աչքերում․
Ես ի՞նչ անեմ, որ մնա ծիածանը երեքգույն,
Որ չցնդի, չմարի՜ իմ հոգու հեռուն․․․
Լուսմփոփի՜ պես աղջիկ՝ աստվածամոր աչքերով,
Թոքախտավոր, թափանցիկ, մարմինի՜ պես երազի,
Կապո՜ւյտ աղջիկ, ակաթի ու կաթի՜ պես հոգեթով,
Լուսամփոփի՜ պես աղջիկ․․․
Դու իմ գարնան առավոտ
Դու իմ գարնան առավոտ — ինչպե՞ս կանչեմ քեզ հիմա. Եվ դու, ոսկի իմ ամառ, հրանման, հրավառ, Եվ դու, ոսկի իմ աշուն, աշնան մրգի պես հասած, Դուք բոլորդ հեռացել, մնացել եմ հիմա ծեր Ահա սրտին իմ արդեն մոտեցել է մի պառավ |